السعادة
،،،،،،،،،،،
تعرف فين تلقي السعادة؟
السعادة ف سجدة طاهرة للإله
السعادة ف كل بسمة تمحي آااه
السعادة دي مش حروف
او صور وخيال يطوف
اسمع هاقولك كلمتين انت ياااا
السعادة لما قلبك يستقر
مابين محبه وبين عبادة
تلقي الروح بتستمر
لذكر ربك والصلاه
السعادة مش كلام
ولا غنوة حلوة والسلام
السعادة ف الوطن
ف الامان جوه البلاد
السعادة يا زمن
ف الدعا لرب العباد
السعادة ف روح جريئة
جايبه نصر ل الولاد
السعادة ف كلمة رقيقة
تهون غربة البعاد
السعادة ما تتوصفش
اصل السعادة لما تيجي
بتيجي ثانيه ماتتحسبش
ولو وصفنا ف السعادة
منين نجيب حروفنا ياااا
كتير كتير مايعرفوش
هي ايه معني السعادة
عايشين حياتهم للقروش
علشان كدا شاربينها سادة
وكتير كتير بايعين سعادة
رغم انهم بيملكوها
وكتير كمان شاريين سعادة
رغم انهم بيفقدوها
اللي يدوق طعم السعادة
يلقاها دايما سكر زيادة
يلقاها هي أخرة وحياااه
،،،،،،،،،،،،،،،،،،،،امل يونس
ليست هناك تعليقات:
إرسال تعليق