قمر ... الشام
يا قمر من .. بلاد الشام
رفقا بقلبي .. والله حرام
مش كفاية .. ليلي سهران
أرحم عيوني اللي ما يتنام
ده نبض قلبي وشرايينه
بيك هيمان .. وحلمان
وخاطري تملي حيران
قلبك ليه ..
قاسي .. حجر صوان ؟
مع انه عالي ف سمائي بدر
وكمان هو اللي زعلان
مليت مني من كتر الملام
ولا أي كلمة .. تسرني
ولا حتي عود ريحان
أرحم تصحر قلبي
ده من حبكم عطشان
وف حبك انا مش ندمان
ولو حبسوني ف اللومان
ومعايا صورتك وحسك
هأبدع وأفنن ف الحبس
وكمان هحب السجان
وكله يهون ويعدي
مع حب ضي قمري
اللي من بلاد .. الشام
__________________
بقلم : عصام إبراهيم
شاعر الغلابة - 18 . 1 . 2016
ليست هناك تعليقات:
إرسال تعليق