دنيا دواره
عايشين نضحك علي نفوسنا يجينا الخير نقول فزنا
ولما الدنيا تظلمنا قوام بنشك في نفوسنا
ماهي حياه ماهش جنه وفيها الحلوه والمره
ساعات نحلم ونتمني وساعات احزانا بتاخدنا
سنين لازم في يوم تخلص ومش حنعيش سنين اكتر
ومهما العمر طال بينا نهايتنا لازم تحصل
لازم نسايرها علي حالها علي ضحكه علي دمعه
ولما الحزن يوجعنا اكيد جايه وراه فرحه
دنيا وف الاصل دواره ومهما نقول ليها اماره
في لحظه جنونها يغلبنا ويبقي الشهد فيه مراره
بنبعد فيها ونقرب ونعرف ناس وبنجرب
وادينا في حكمها ماشيين ولا ينفع في يوم نهرب
صحاب كانوا بقم ذكري وليل عدي وجه بكره
وناس بنعيش علي راحتهم وقتلوا قلوبنا بالفرقه
فرحنا كتير وبكينا وجرح الناس صبح فينا
وعشان الناس ماتشمتشي مسحنا دموعنا بأيدينا
ده دنيا ياناس ودواره ولا بينفع فيها شطاره
لازم نمشي علي كيفها لتبقي الغلطه بخساره
بقلمي محمد صبري
ليست هناك تعليقات:
إرسال تعليق