الله.أكبرcom .... ولاء عدنان

الله.أكبرcom 

..

الله أكبر يابلد..

على الصبيه وع الولد..

وع اللى ماسح دمعِتك..

وع اللى دايس محِنتك..

وع اللى زارع سكِتك.. 

صبر وجلد..

ع المهندس اللى هندس..

اللى بانى واللى أسس..

ع المُعلم والمدرس..

واللى فى الشقا إتولد.. 

الله أكبر..

ع المصانع والبيوت..

وع الشهيد..

إللى إتولدلك إبن موت..

على كلمه حره بتتنطق..

وقت السكوت..

وع اللى ناسج م الخيوط..

توبك علم..

وع اللى كان لك ع الدوام..

زى الوتد..

..

الله أكبر..

ع اللى خطط وبنى..

الله أكبر ..

ع اللى زارعك دندنه..

على الصغير والكبير..

وع الفقير وإللى إغتنى..

على اللى ساجد..

فوق ترابك وإنحنى..

الله أكبر..

ع اللى بادى يومه ذكر..

الله أكبر..

ع اللى رأس ماله فكر..

الله أكبر ع المكن..

وع التروس..

على كل فكره حلوه..

صبيه وبنت بِكر..

ع الفلاحين والنجارين..

والحدادين والشيالين..

على المراكب والسوارى..

والشوارع والحوارى..

وع الطرق وع الكبارى..

وع اللى خضر الصحارى..

وع اللى واخد سُمرته..

من حر شمسك وإتجلد ..

الله أكبر.. 

..

ولاء عدنان