من الأخربحبك
-----------
لا أنا عايزك تكلمنى
مادام البعد مش منى
ويا متعود على الغربه
وراضى منك بتحرمنى
بلاش تيجى وتقرب
خلاص منك أنا هاهرب
ولا هستنى تبوس الأيد
وليه بس تانى أجرب
وكنت زمان بتسحرنى
فى بحر هواك بتأسرنى
وألاقى حريتى فى سجنى
أنا من أفعالى بستغرب
وده لأنك ياحبى جوايا
عايش فى قلبى وهوايا
ولا بتغيب عن دنيايا
أبعد مهما تبعد أنا هاقرب
وكلامى ليك من الأول
زعل عالماشى ويتحول
يزدنى حنين ويكتر
هيام وغرام وليل أطول
صلاح الصغيــــــــــــــر
ليست هناك تعليقات:
إرسال تعليق