مش معقول ..
اكون بحبك بس مش قادر اقولهالك ..
بحبك ..
وانتي كرهاني .. ونسياني ..
وعجناني .. وقرياني ..
وسامعه همسي ف وداني ..
وكارهه صوتي ف ودانك ..
بحبك ..
بس مش قادر اقولهالك ..
ونفسي انام على رمشك ..
وجوه عنيكي غطيني ..
يا وردة فاح رياحينها ..
ومال الحب فوق غصنك ..
كفاية بعاد وضنيني ..
لانا قادر اجيب مهرك ..
ولا جايلك فدا ماسك ..
ولا قادر اجي لشارعك ..
واعدي وسط حراسك ..
ولا ف ايدي اكون شاعرك ..
يدوب انا شخص بين ناسك ..
لانا ارضك .. ولا زرعك ..
ولا غيطك .. ولا فاسك ..
كفاية بعاد وضميني ..
كفايه بعاد خنقتيني ..
وضاع الحب في سنيني ..
وانا واقف وبتفرج ..
كفايه النوم ملكتيني ..
وقولتي « كفايه تتحرك » .. ربطتيني ..
حرام والله مش معقول .!!
وازاي انا اعدي على بيتك ..
واقولك والله حبيتك ..
زرعتك بين حيطان غيطك ..
فحبيتك .. وانا المسؤول ..
حرام والله مش معقول ..
ومش معقول ..
تنامي وتسكري في النوم ..
وانا سهران وبتعذب ..
كفاية يا قلب بيكدب ..
تنامي يا جفنك السهران ..
وانام فوق رمشك الساهي ..
ولفي ع البيوت سارحه ..
وقولي حبيبي والله ..
انا حبيت .. فحبيتك .. وحبيك .. وحبيتك ..
ورغم الحب هاجيتك ..
من الاول انا الغلطان ..
فسامحيني ..
انا اسف علي حبك ..
ومش طالب تحبيني ..
مهو كفاية اكون خايف ..
وانتي رافضه تحميني ..
فسامحيني ..
لكن كلمه ..
كفايه عناد ..
وقولي للبعاد باي باي ..
لان الحب دا هيبه ..
وعمره ف يوم ماكان عيبه ..
فعيزك تعرفي كلمه ..
تحطيها علي ودانك ..
وحطيها علي ماسه ..
مابين الماس علي تيجانك ..
وفوق الحيط .. وجوه البيت ..
وجدرانك ..
ووجدانك..
وانا المسؤول ..
بان الحب من قلبك ..
مهوش معقول ..
ليست هناك تعليقات:
إرسال تعليق