حنين ....
باحن لساعات الطفوله ساعات
واحن لعصايه مدرس حسابى
وكورتى اللى باظت
من الخد وهات
.........
واكتر ما يوجع
فى قلبى انى حانن
للحظه ماعاكس
ف ست البنات ....
..........
سنينى اللى فاتت
بتوحشنى جدا
ويوحشنى اكتر
نافوخ ف الطراوه
وحبه لماضه
ف درس اللغات
......
بتوحشنى جدا
دماغى اما كانت
لا ليها ف سياسه
ولا ف النخاسه
ولا ف حد عايش
ولا حد مات
.......
ولا ف حد دمه
ف رقبه فلانى
ولا ف حد تانى
قلبها صاجات
ولا حد صلى وصام
لاجل ناسه
وقال ع اللى ضده
دا خاين
وخللى
قلوبنا جميعا
بتنزف اهات....
《اقولك واخشنى
اللى خلانا يومها
نبطل كلام 》
بيوحشنى وقت اما كانت
همومى
كبيرها هدومى
..ده لايق
ده موضه
ده غالى
اقولك
هاجيبه اما تنزل بقى الكازيونات
.....
حسن بعيله
ليست هناك تعليقات:
إرسال تعليق