----أنتى ليه-----------
أنتى ليه يا دنيا سيبانى
أعيش مهزم وأعانى
ببكى ودموعى بس ضمانى
مجروح وجرحى جوايا كوانى
وأنتى يا دنيا مش رحمانى
أنتى ليه يا دنيا سيبانى
مات النبض جوايا
من يوم ما رحلوا أهلى وخلانى
ومات أخويا بين أحضانى
ملعون يا ظالم قطعت شريانى
أنتى ليه يا دنيا سيبانى
فين حنانك يا دنيا لسه ما جانى
ولا أنكتب على أعانى وأعانى
والخاين ما قلبه حن وجروحى قتلانى
فينك يا أمى فينك يا أبويا أمانه ضمونى
أنتى ليه يا دنيا سيبانى
أمانه بقلوبكم فى أخويا عزونى
وأرضو ا عنى لو فى يوم زعلتكم وسامحونى
أنتوا التراب ضمكم وسبتونى أعانى
والدينا من غيركم مرار أنتوا أصلى وعنوانى
أنتى ليه يا دنيا سيبانى
بضمك يا حبيبى وأرسل للكون صرخاتى
وأقولك وداع ويخدوك يا نبضى منى
ليه يا دنيا سقيتينى كأس مرك
وضاع الغالى وضاع فيكى أمنك
والظالم فى وسط الناس بيفجر
وفى يوم تيجى تحت التراب والأرض تضمك
أنتى ليه يا دنيا سيبانى
الشاعر / على فياض البلصفورى
قطرات الندى
ليست هناك تعليقات:
إرسال تعليق