انا اظاهر فاهم حبه /بقلم محمد البلاط

انا اظاهر فاهم حبه
.....................
.....................

عبد الظاهر
.....................

شوفت منام وانا تحت التوته ساعت الطهر وفى الأياله

شوفت موهره راكبها ولاد وبيتفرج الخياله

وشوفت ظلمه وكام وطواط ليهم صوت يشبه رجاله

وشوفت سواقى من غير طور وكل الارض شكلها بور

وشوفت بنات فى عنيهم دمع يشبه شمع بنار مصهور

وشوفت الشمس غابت من الدنيا وظاهر منها شعاع من نور

وشوفت القمر فى نفس ميعاده هالل شبه طبق بنور

بس الشىء اللى مخوفنى شوفت الدم سايل فى بحور

ولحم مرمى فى ارض غطيس بياكل فيه ضباع ونسور

عبد الظاهر انا قلقان حاسس ان معدش امان

ساكت ليه رياحنى وقولى ايه تفسيرها انا تعبان
.....................
..........................
........................

اهدى يا صابر دى مش حلم دى رؤيه تمام

عايزه العقل وحكمه وخبره وتكون حافظ القران
.............................
...........................
..........................

طب فسرها يا شيخ ريحنى فزعى قلقنى وفى توهان

فيه وطاويط ونسور وبلاوى ولحم وارض بدون سكان

والله يا شيخ ريحنى وقولى جايز دى لعب شيطان

عبد الظاهر

انا اظاهر فاهم حبه وشايف الرؤيه خراب وغربه

وناس هتموت ونكون فى كربه وشمس بلدنا دليل حكام

قولى يا عبده كلامى تمام

.........................
......................
.......................

بص يا صابر مليش فى سياسه وخايف اتكلم ابقى فى حوسه

بالله عليك تاخد سياره وبكره تسافر للمحروسه

اسأل شيخ فى الازهر فاهم انا مش ناقص ورطه وحوسه

.....................
.......................
....................

يبقى خلاص فسرة الرؤيه

مين فى شيوخ الازهر فاهم دا انتا البحر وانتا الساقيه

وانا من بكره هروح لمرائيا اقضى يومن قبل ما تكعبل

واللى يريده الله يريده كانت موته او فى ابو زعبل

بقلم محمد البلاط