أنا وإنتى /بقلم تامر النقيب

أنا وإنتى
بقلم تامر النقيب
_______________

أنا وإنتى كعمله قديمه مرميه
وليها وشوش مصديه
بنغسل حبنا مخفى ومتغطى
وخايف من كلام الناس
وعندك جوا بضلوعك دموع
ونيران وواد غلبان
سماره حفر شريانك
بقى سجنك وسجانك
ونار حبه تقيد فيكى
بلاش الكدب وتكابرى
ولو سألوكي عن حبى
تقولى نيارنه مطفيه

هحبك قد سنين حرمانى وشقايا
وقد اللعب وانا عيل ببيت جدى
وستى لما تاخدنى بأحضانها
وأخاف الضرب من أمى
وأحبك قد لما سافرت
ويوم أشتقت أنا ارجع
عشان انفض سنين الغربه والاوجاع
وحجم حنينى لولادى وبيت أهلى

أنا وانتى قدر مكتوب
وعمر بيبتدى يرحل كمان محسوب
وناس مش سيبانه لهمومنا
وناس تفرح لو نقول نبعد
وناس قاعده وبتلومنا
وناس بتعرى أجسامنا
وتخطف مننا هدومنا
لكن سترك راح يكون جلدى
وحنين قلبى
ودمعى اللى ما بينشف
وصمتى وانتى وحشانى
ودقه بدقه بقلوبنا تدوبنا
وتتعبنا نحب قد ما نقدر
كلام الناس ما يشغلنا

أنا وانتى ظروف الدنيا تعبانه
بشوف ضحكك امام الناس
ومن جواكى تعبانه
قالولى زمان
هتاخد وقت وتعدى وهتبيعك
وترفض انها تكمل وهتسيبك
هتيجى تقول منيش قادره
حكايه وتبقى أخرها أنا أسفه
فقولت حبيبتى مش خاينه
وهى بصدقها باينه
دى أجمل ست بالدنيا
قالتلى امى عليها خاف
وخلى اسمها جبينك
واحلف انها تبقى
اخر أخر محبينك
تامر النقيب _____ من مؤلفاتى وليس منقولا