باعوا الضمير
للشاعر : محمد ضباشه
المؤدب فى الزمن دا ضاع
وعايش قافل ببانه عليه
لما لقى كل شيىء اتباع
وظهرت قلة الأدب حواليه
وكل شيىء بقى صورة
وما حد حاسس بيه
خرج على الناس وقال
يا خلق كل دا كان ليه
ناس باعوا ضميرهم
والشرف قلعوه من أراضيهم
وبدروا قاموس المياعة
سخافة فى كل نواحيهم
عيشونا فى زمن الكدب
وبالبهتان كاسات بتسقيهم
حاجات مش فى البشر
ولا لينا شبه فيهم
حابين يعيشوها كدا
وديدان الأرض تحميهم
وفاكرين بأن الفلوس
بتخلى الخسيس عالى
أو أن القوه سلاح
هتخوف كل أمثالى
وياريتهم يعرفوا بأن
أدبى هو رسمالى
والراجل فى أى مكان
معدن أصيل غالى
ياللى تبيع الشرف
منين ترجع تشتريه تانى
ولا هتشوف كاس الأدب
يرجع ملان تانى
ولا توب الرجوله عليك
هيرجع جميل تانى
وانا وأنت فى طريقين
مفيش واحد هيشبه التانى
ليست هناك تعليقات:
إرسال تعليق