خاطرتى
---------------
مش لاقى كلام أقوله
نهار وليل بطوله
والغزل له أصوله
بصراحه وحشتنى
قالوا علينا أصحاب
وأنت أعز الأحباب
قلبى فى قلبك داب
قولت وصدقتنى
قولت إنت صدقتك
زمان لما عرفتك
بجد إستلطفتك
قولت إنت سحرتنى
كتبت فيك أشعار
والفكر فيك إحتار
بجد ومش هزار
إزاى فيك حببتنى
غارت البنات منك
يا حبيبى إكمنك
كبير على سنك
وإليك قربتنى
واللى يقرا الكلام
من شوقى والغرام
حنان مليان هيام
هيقول جننتنى
الصحبه والوفاء
بالطيبه والصفاء
والاخلاص فى الدعاء
بزوقك ملكتنى
بابعت لك خاطرتى
علشان تجيب فى سيرتى
وأنا نورت بصيرتى لما صاحبتنى
إهداء لصديق غالى على قلبى
من خالص وجدانى له حبى
رفيق حياتى ومشوارى ودربى
غيابه عنى هو محنتى
صلاح الصغير عطا
ليست هناك تعليقات:
إرسال تعليق