(عجيب ياطبع البشر)
===========
كل شيئ حلو كان
بيقولوا عليه زمان
وكأن الجمال
حروف كلمة كان
الحب والحنان
وطيبة الأنسان
والخير والضمير
والكلمة للكبير
بنقول كانت زمان
وكأن الجمال
حروف كلمة كان
بنترحم علي كل
شيئ فات
وبنشوفوه بملامح قمر
ونقول الله عليها
كانت حاجات
عجيب ياطبع البشر
عايش أسير الذكريات
ع الماضي يجود خيرك مطر
زي مايكون أمبارح
لاقلب أنجرح ولا حد خان
وكأن الجمال
حروف كلمة كان
موش ملائكة يعني كنا
وبقينا شياطين
أكيد برضو ياما غلطنا
وظلمنا مظلومين
جرحنا وأتجرحنا ماهو أحنا
في الأخر بنيأدمين
تعبت الايام من قسوتنا
مظلومة معانا السنين
زي مايكون أمبارح
كنا شيئ غير أنسان
وكأن الجمال
حروف كلمة كان
===========
الشاعر محمد العربي
ليست هناك تعليقات:
إرسال تعليق