بكره لما الشوق يغلبك
وتلقي ماف غيري سكة
بترجع من تاني انت
وتفتح ابواب الكلام
لكني ما زي اول وحاتك
لما ترجع افتح ابوب الاماني
خلاص الماضي راح
والدخلت فيني منك
مابتروح بالساهل كده
انت انسان ما ليه ذمه
خالي من حس المشاعر
الغاية انك تهوي تلعب
تشغل افاكري بهواك
مرة تتدلل وتبعد
ومرة مني تقرب اكتر
مرة تعرض لي مفاتنك
ولما تشعر عيني منك
زي سحاب الصيف تفارق
لابتبرد ولا بتمطر
تحرقني شمس الشوق معاك
وامشي حافي علي رمالك
ابكي اصرخ ولا في بالك
ولما دمعي يملا ويجف
ولما تزهج من دلالك
تبدا في رحلة وصالك
مني تتقرب وتبسم
الا الفؤاد مل وتعب
لاهواك اصبح مرام
ولا مشاعري بتقدر تبتسم
مني ابعد يا انيق
سيبني في سكرة عذابي
احاول انسي اني شفتك
احاول انسي لحظة عرفتك
راح زمانك ياجميل
وخلاص اصبحت ماضي
ليست هناك تعليقات:
إرسال تعليق