أنا مش عارف أشكي لمين / محمود على احمد

أنا مش عارف أشكي لمين 
حالي وحال كل العاطلين
حال ملايين م الشعب العربي 
زحموا الشارع والميادين
أنا مش عاطل لا مش ذنبي
قوللي الاقي الشغل دا فين
أنا متعلم أخدت شهادة
ودي ع الحيطة بقالها سنين
ياما فينا يا عرب عجايب
تبكي ليها دموع العين
ملياردير وبيحكوا حكايته
ودي صورته ماليه الجرانين
أنا عايز أسأل مين يجاوبني
كل فلوسه دي جابها منين
واحنا غلابة في وسط ديابة
نشقى ونعرق على جنهين
علشان نشتري لحمة في مرة
نحتاج ليها تفكير شهرين
ياما فينا يا عرب عجايب 
تبكي ليها دموع العين
محمود على احمد