حَكَمْ النصيب
........................
حَكَمْ النصيب بفراقنا
وحبيبتي صبحت ليك
خلي بالك منها
وشلها جوه عنيك
..................
من النهارده خلاص
حبيبتي مش ملكي
زماني وله خلاص
مبروك عليك قلبي
..................
جيت أبارك
جيت أهني
فرحان وبضحك
غصب عني
شايف عيون
المعزومين
عايزه تسألني
أنت مين
عيني علي
حُكم النصيب
بعد ما كنت
أنا الحبيب
بقيت في وسط
المعزمين
أنا الغريب
.....................
غصب عني
قلبي جابني
عايز أشوفك
قبل ما أمشي
شايف عليا
عنيكي ملهوفه
خايفه عليا
بس مكسوفه
مبروك عليكي
الطرحه والكوشه
كل اللي عايزه
تعيشي مبسوطه
..............................
عصام دويدار
ليست هناك تعليقات:
إرسال تعليق