انت منو
فيصل محجوب محمد
انت منو وعاوز شنو
ودخلت كيف في دنيتي
ملكت بي حسنك خيال
كسرت السكون في هداتي
دروبك من عندي والمسير
حتي اصبح طريقك سكتي
فرضت نفسك يا امير
وازدانت بي ورودك روضتي
دخلت جوه الفؤاد غصب
رميت بذورك في باحتي
سقيتا من دمي الكؤوس
ووحدك كسبت مودتي
انت منو وعاوز شنو
ودخلت كيف في دنيتي
وجد هواك احياها الدواخل
واصبحت و حبك غايتي
نسجت من اسمك سطور
فصول هواي وقصتي
شرحت للايام لحظة لقاك
لحظة بعادك ونشوتي
دونت مانسيت ساعات
الوئام معاك كانت جلستي
لمسة اديك باقية اثارا
جواي وكحلك زين مقلتي
ريحة انفاسك عبيرا فيني
يداعب صحاي وهجعتي
انت منو وعاوز شنو
ودخلت كيف في دنيتي
بعثرت ابيات القصائد
وكل الكتبتو عنك لهفتي
شوق وخوف وحب حنيين
ووجع بعاد ملازم دنيتي
اخاصمك وتزعل تخاصم
لكن لا زلت اليك محبتي
عنك اغيب واتعمد اطوول
لكني حافظ عهد مودتي
انت منو وعاوز شنو
ودخلت كيف في دنيتي
ليست هناك تعليقات:
إرسال تعليق