حرمتو ليه بحركم؟!
...................
حرمتوا ليه بحركم.....ع العين و حاجبها؟!
و عروسكم اتجوزت.....و عريسها حجبها!
و إكمنه ببحبها.....حبسها ف عيونه!
و قعد على قلبها.....بالغيره حاجبها!!
...........
و فين يروحوا الصبايا....لو تمسحوا الكورنيش؟!
و لمين حروفى و غنايا.....من غير هواه ا تعيش؟!
هووا الفقير عندكم.....ممنوع عليه الشوف؟!
يا محرمين بحركم.....ع الفقرا و الحرافيش!!
...........
فين العروس اللى كانت....فارده الشعور ع البحر؟!
لو يوم على الخلق بانت.....بيهون عشانها العمر؟!
و بلدكو طول عمرها.....موجه و شمسيه!!
لو تمنعوا بحرها.....ح يروحوا فين السمر؟!
...........
عاطف عبد الحميد
ليست هناك تعليقات:
إرسال تعليق