السمراء واخدة الجمال
وقلوعها واخدانى
والخمرا بكاس سكرتنى
ورمتنى ف بحر رمال
والبيضا سايقة الدلال
برموشها قاتلانى
واهو ماشى مع التيار،،،،
آلأولى بحرالهلاك
من نفسى سارقانى
والتانية قطر الضياع
ف التوهة راميانى
والتالتة من غير وداع
فاكرها فاكرانى
واهو ماشى مع التيار،،،،
السمرا ليلها طال
ف الضلمة شايفانى
والخمرى سحر ودلال
شعوذت حالى
والبيضاء من غير سؤال
باعتنى والمال مالى
واهو ماشى مع التيار،،،،
يا سمرا منك سعال
ياخمرى كلك هزال
ويا بيضا لم تنطال
الرابعة ساكنة الخيال
وغيرها ساكنانى
ولو بقلب النار
أهو ماشى مع التيار
ليست هناك تعليقات:
إرسال تعليق