كيوبيد \الشاعره شيماء يوسف
ياما سمعنا عن قصص الحب الأ صيله
قيس وليلى وعنتره وعبله الجميله
عروه مات من حب عفراء ونفسه ذليله
وهى ماتت على قبره بعده بايام قليله
ليه القلوب دابت كده وماباليد حيله
حكايات كتيره تتحكى فى الف ليله وليله
هى مشاعرنا قدر ومكتوب على الجبين
وليه اللى ما يقوله السان بسهوله تقوله العين
ناس تقضى عمرها فى حزنها ياما سنين
وقلوب عايشه مع بعضها ويسعد القلبين
ايه ده اللى القلوب بتعمله فى اصحا بها
تفتح ابوابها لناس ولناس تقفل ابوابها
وليه لما القلوب تميل العقول تفقد صوابها
يعذبها سهر الليالى وليه تتحمل عذابها
كيوبيد يرمى سهامه عليها ولازم يصيبها
ولا ده باختياره وهو ده نصيبها
قلوب حياتها بس بقرب حبيبها
تنتهى لو خلها يوم فكر يسبها
وليه القرب هو الدوا وهو طبيبها
دى حقيقه نعيشها ولا وهم الدنيا وسرابها
تشدنا للوهم الكبير وبعدين تغرس انيابها
اسئله كتيره وفين بس الاقى جوابها
سالنا ناس دوبهم سهر الليا لى ياما كتير
قالوا ان مالت القلوب تنفصل عن العقل والتفكير
سندريلا لما مال قلبها مال للأمير
والأميره حبت مااعرف سايس او غفير
مش شرط الغنى للغنيه والفقيره تميل للفقير
واللى تحبه مش شرط يميل ليك
فهم القلوب امره عسير
دا القلب وما يريد مثل وقالوه الناس كتير
وهى دى اجابة السؤال وهو ده التفسير
ليست هناك تعليقات:
إرسال تعليق