نادى الترعه
....... ......
ما بين العصر و المغرب.....تلاقى اللمه منصوبه
ف نادى الترعه و المواعين!
و ميت معيوبه بتعيب. ...و ميت خايبه و لهلوبه
و دى ناسيه أبوها مين؟!
و بين الصحن و التانى.....حكاوى راكبه ف ودانى!
و دى عماله تضحك لى.....و هيا لسه وشاتمانى! !
......
و مين رابطينها بالأسياد. ....عشان يركبها ميت عفريت!
و مين طفشان بقاله سنين!
و مين عملوا له ألف معاد....و مين عايزه حماها يموت!
عشان تورث خمس فدادين!
دي صوره ف مصر تلقاها... .ف ريفنا الطيب الهادى
حكايه عيونى شايلاها. ....و بكره شايلها لولادى
........
عاطف عبد الحميد
ليست هناك تعليقات:
إرسال تعليق