جوا الشارع تلقى نظام
فعلاً ماشي بشكل عجيب
بس النظره كدا ف العام
تظهر إن الشكل غريب
واحد راكن .. غيره هيركن
تلقى ف لحظه صفوا التالت
و فلان ماشي و ماسك جركن
شايف كل الشارع فالت
بص هناك .. تلقى عيال
وسط الشارع .. تلعب كوره
و إن قربت .. أمشي شمال
علشان لسه هيلعبوا فوره
و فلان ماشي كدا ع الخامس
و آللي يخاف على عمره يوسع
و إن كنت يا سيدي مستبيع
ف أعذرني .. راح تصبح أكتع
و هناك كات حادثه صغيوره
الواد أبو عجله بمقطوره
مشي مش هامه عيال الناس
خبط العيل .. فتح اﻵوره
جوا الشارع تلقى كلام
جوا الحق هتلقى الباطل
و طبيعي راح تلقى سلام
رغم الكل هوايته يماطل
أصل الشارع عالم تاني
هو الخالد و أنت الفاني
إيوه خلوده مش هيدوم
عاش كضحيه و أنت الجاني
عارف ليه هتبطل لوم
علشان كنت حقيقي أناني
دينا_إبراهيم ♡♥♡
ليست هناك تعليقات:
إرسال تعليق