فنجان العجب
كلامك حلو يا شابة ......وهاسمعك كمان حبة
ارمى بياضك على الفنجان ...فالك يبان بمحبة
بالك على طول مشغول ....وليلك ديمآ بيطول
قدامك طريق مفتوح ...وعدوك ديمآ مفضوح
مالك يا شابة بتفكرى ..ديمآ بتبكى وتتحيرى
دا فالك حلو ومنور... ودنيتك رايحة تتغير
السعد بينادى عليكى ..والرزق تحت رجليكى
صلى عالنبى دا قلبك ابيض
واوعى تنسى الحلاوة يا شابة
بعد معادين تنولى المراد
وافتكرى ستك الحاجة
عادل الشرشورى
ليست هناك تعليقات:
إرسال تعليق