( أبقي لك أيه )
-----------------
معرفشي غيرانه ليه
هو أنا أبقي لك أيه
لابحبي يوم صرحتي
ولا حتي لمحتي بيه
أسئلك دي غيرة
وبجد أنتي حبيبة
تقولي أما غريبة
غيرة بس أيه
أمال يعني مالك
بيتلخبط حالك
كل ما أحكيلك
أحساس حاسس بيه
أن واحدة عندي مهمة
أوغيرها بتقدم خدمة
ألقاكي تروحي منفعله
وقلبي بتعنفيه
غريبه أنتي بجد
غاويه كبر وعند
بتبقي شمع وورد
وبغنوة لقلبي بتحضنيه
أنما تيجي سيرتها تتحولي
وزي الوردة ألقاكي بتدبلي
بتحبيني ولاأيه ماتنطقي
موصوف لك قلبي تعذبيه
حببتي ياريحة المطر
حنون قلبك مش حجر
قوليها كلمة وبالمختصر
مش غيرة طيب تبقي أيه
--------------------
ليست هناك تعليقات:
إرسال تعليق