لا مش حياتى
.......................
مش عارف أنا حاسس إحساس غريب
إنى بحلم والحلم باين لى كابوس عجيب
فيه كل اللى حاصل ويايا ومعايا مش ليا
إن دى مش حياتى ولا ده القسمه والنصيب
مش هو ده عمرى ولا هو ده قدرى بشيب
وأنا لسانى ماعشت شبابى وأيام طفولتى
اللى أنا فيه عمر بينقضى فى نفق رهيب
وعمر إيه ده اللى الفرح والسعاده بتغيب
وناوين ع البعاد وع العناد والليالى كلها حداد
والزمن بيلف وبيدور ومش عارف الآقى العيب
مين انا الله أعلم هو العالم بحالى وهو الرقيب
وفين أنا ولمين يكون نسبى كفايا النحيب
مش مهم أكون مين وفين أكون إيه وليه
المهم أكون بحلم وحلمى فى يوم يسيب
لا الحياة دى مش حياتى حياة الترهيب
ولا الزمان ده زمانى بيودى فيا ويجيب
والله تايه فى سكه ظلمه وليالى عتمه
أكيد بحلم لازم أكون بحلم حلم كئيب
حلم طافى الشموع حلم الفشل والخيب
أيوا يادنيتى يا اللى إنتى مش دنيتى
أكيد هيجى اليوم وهصحى عن قريب
أنا ماشوفت فيك غير الجرح والتأنيب
ما دوقت فيك غير طعم المر والتعذيب
آهات ودموع والظلم فيك شىء مشروع
وكل شىء فيك محزن ومؤلم وترهيب
أنا كاره الوجود مسجون بين حدودولهيب
عايش حياتى لا انا فهمك ولا لفهمك لبيب
أنا هصبر نفسى وأستحمل يمكن ألاقى الغيب
يجيلى ويصحينى وبالأمل وقت جديد يحينى
وقبل ما أنام هوصى نفسى تنام بعيون الديب
......................
الجوكر
صلاح الصغير
ليست هناك تعليقات:
إرسال تعليق