يا مسافر لبعيد وفايتنى
اياك ييجى يوم تنسانى
اياك تنسى إنك ليه
تنسى حبى وتنسى حنانى
تنسى ايام بينا ومرت
كانت زى النسمة وعدت
احلى ايام كانت فى زمانى
مكتوبلى احبك وتفارق
وتفوتنى مع الدمع الحارق
ويضيع عمرى وانته الجانى
هيوحشنى ضحك عيونك
لمسة ايدك سحر جفونك
انفاسك وانته ف احضانى
حلو كلامك
نبرات صوتك
بسمتك الحلوه محاوطانى
من غيرك ازاى راح اعيش
زيك فى العالم ملاقيش
مش ممكن تتكرر تانى
ازاى لا اقابلك ولا اشوفك
واستنى يونسنى طيفك
ازاى ممكن اضحك تانى
وانته بعيد مين راح احكيلو
ومن مر الأيام اشكيلو
مين هيصبرنى ع اللى جرالى
أيام حلوه وقضيناها
وليالى مقدرش أنساها
كانت الساعه تفوت فى ثوانى
كان نفسى تستنى معايه
وتقضى العمر ويايه
دا فراقك بيهد كيانى
ليست هناك تعليقات:
إرسال تعليق