عشقت عنيكي ياسمره
ودوبت خلاص ف كاساتك
ودوقت منهم الخمره
وبقيت عاشق حكاياتك
ب نني العين أشوف رمشك
أبات مسحور ف طول ليلي
أشوف الضحكه ب شفايفك
وصورتك ماتفارق عيني
أشوف طيفك أقول أحكي
يموت كلامي علي لساني
ولا أحكي ولا أشكي
ولا أوصف ف حرماني
وارسم ف العيون السمر
واكتب ع الهوا جايلك
ف نني العين وجوه القلب
أنا راسمك أنا شايلك
وابكي من نيران الشوق
أنا عاشق ومش طايلك
تعبت خلاص من التوهه
ومن تقلك وعاميلك
واصبر نفسي واقول يمكن
يمر الليل وانا اشوفك
يعدي الليل ويجي الصبح
وتتداري ورا كسوفك
حني عليا وليه الخوف
لأمتي هيمنعك خوفك
تقولي بكره نتقابل
ومتجيش وتقولي ظروفك
خلاص راح انام أنا واحلم
واكيد ف الحلم راح اشوفك
وادفي كتافي بضفايرك
وادفي كفوفي بكفوفك.........
ليست هناك تعليقات:
إرسال تعليق