الي روح الصديق ..رجب حسن..اهدي هذه القصيدة
*******(قطر العمر)*******
قطر العمر
بيجري لاخر مداه..
واخدنا معاه..
عارفين بدايته
بس مش عارفين منتهاه
في محطاته..
لا بيستني ولا بيهدي!!!
سرق منا
طفولتنا ..صبانا وفي شبابنا
خد منا
اصحابنا واحبابنا
ولحظة امل كنا فاكرينها لينا
جري بينا
علي محطة خريف العمر
وريح صفرا بتجري معاه
بتخنقا وتعمينا..
وفي دموعنا تغرقنا
ولشتا العمر واخدانا..
جليد ينزل يغطينا..
نندفن جواه
وتموت حاجأت فينا..
ونفضل فيه لوحدينا
الموت اخر محطاته
ومافي قطر يعدينا...
ليست هناك تعليقات:
إرسال تعليق