بنت و ولد
دمعتين
يا ام الدموع من غير عدد
ازاي حسبتي الدمعتين
..بنت و ولد ؟!
وازاي خرجتي رافعة راسك
و الراس هناك
تحت الهدد
طب هما فين العيلين
و ازاي رابطتي حبلهم
طب هي فين بس البلد
تايهة ف ارض الميتين
طارحة غيطانهم حلمهم
و خيال مآتة بيبتسم
سعيد و هو بيتجلد
و طير حزين
رفرف عليكي
بدّل الايد بجناحين
و انا لسه مستني المدد
حلمك عسير انه يموت
أو يتولد
حلمك جمد
لكن لقيت اربع ايدين
بنت و ولد
تحرت صحاريكي بأمل
تتطرح ب ورد
الله عليكي يا بلد
الله بجد
رغم الهدد
لسّه ولادك شغّالين
و لا حلمهم هيروح بدد
و الدمعتين
يروا فدادين الصباح
و الحلم جد
بايدين ولاد
بيضمهم ف هواكي ود
و الفجر لاح
ولا عمر يوم هيصدنا
و لا اي سد
..
الام لولو (نجلاء عزت )
ليست هناك تعليقات:
إرسال تعليق