شكرا لمعالى الوزير
صاحب الرمز الكبير
رمز معاليه الميزان
والميزان رمز الامان
والعدالة والاحترام
والكرامة الإنسانية
والحياة حلوة ورضية
لكن يا معالى الوزير
صاحب العقل الكبير
قل لى إيه نظرة سعادتك
أجر اليوم اتنين جنيه
قل لى جوز جزمة سيادتك
بالجنيه أم بالدولار
قل لى بتدفع كام جنابك
حق التلميع لأجلاسيه
أجلاسيه فضلة جنابك
راح يحوش كام جنيه
يشترى فضلة مقامك
متر بافتة شعارنا فيه
إن ميزان العدل ولى
كفة فيها سيمون فيميه
وكفة فيها اتنين جنيه
أشعار ورباعيات أسامة حسنى
ليست هناك تعليقات:
إرسال تعليق