--
اشترى ميزان
توزن بيه
وتعدل بيه يا انسان
اشترى ميزان لاجل
نفسك وعقلك
وبيه تشترى الأمان
اشترى ميزان
توزن بيه كلامك
وتقنن أحلامك وتكتم
آلامك قبل ماتبان
اشترى ميزان
تعدل بيه
وتنطق بيه قبل
فوات الأوان
واياك تظلم أوتجور
وتيجى ع الغلبان
اشترى ميزان تحقق
بيه حلمك
وتمحى بيه اثمك
وترضى بيه الرحمن
اشترى ميزان ان
كنت حاكم أو محكوم
ولكل ظالم نهاية
ولكل آثم يوم
فيه يتهان
الشاعر/عبدالجوادخاطر
ليست هناك تعليقات:
إرسال تعليق