أنا عاشق
ويكفيكي بقولهالك
ولو طلبك نجوم الليل
اجيبهالك
ولو عمري
فداكي العمر يا سمره
وكل الدنيا يا أجمل بنات الكون
عنيكي السود بتندهلي
وانا ماشي على مهلي
بسيب الدنيا واجريلك
مكانك فين وانا اجيلك
أنور شمع قناديلك
ح ناديلك
ولو كان الكلام ممنوع
حروف الشعر هتجيلك
تبوس الحب ف جبينك
تآنس وحدتك ليلك
مراسيلك _ بتوصلني
وبقرأها وبسمعها وبحفظها وبعشقها
وبعشق كل ما فيكي
قطفت الورد بإديكي
وبهديكي
ورود الحب لعنيكي
قصيدة شعر بالعامي
كاتبها بحبر وجداني
معاني الحب ف عنيكي
برغم البعد عنواني
انا عاشق
ليست هناك تعليقات:
إرسال تعليق