ياسلام ياسلام
ياسلام ع الكلمة الدافية الشافية من الأوجاع إللي مآلماك
ياللي قايلها ماتستبدلها في يوم باللي يشدك لوراك
ياسلام ياسلام على أحلى كلام ممكن يتقال ياسلام ياسلام
ياسلام على كلمة أحبك م الإنسان إللي بتهواه
عايز كل ماينطق كلمة ترد وراه وتقول الله
الله الله على أحلى كلام الله الله
الله الله على كلمة أمك لما تضمك وتطبطب وتقولك مالك
ينزاح همك ويزول غمك دوغري تلاقي إتغير حالك
ياسلام على كلمة حق إتقالت وقت ماكان بيسود الظلم
تمر الكلمة في صدر الضلمة تنور لينا نعيش الحلم
ياسلام على كلمة إقرأ إللي إبتدى بيها الإسلام
وقت ماكان الجهل السيد والناس عايشة في عصر ظلام
الله الله ياسلام ياسلام الله الله على أحلى كلام
حمدا لله رب العالمين يارب يامالك يوم الدين
تهدي الناس للكلمة الحلوة تصبح كل الناس حلوين
يارب ياواهب لينا حياتنا يارب إغفر وإرحم أمواتنا
يارب العزة يارب القدرة تقبل مني دعايا .. آمين
بقلم طارق السيد
ليست هناك تعليقات:
إرسال تعليق