// بسمة حائرة //
مالك كدة متغيرة
بعيون حزينة متحيرة
دي حياتنا دي متقدرة
أبتسمي يلا للحياة
أنسي اللي كان واللي حصل
دة الحب بينا خلاص وصل
في قلوبنا عدي منتهاه
مادد إيديا مدي إيديكي
عمري اللي جاي وهبته ليكي
رغم الجفا انا مشتريكي
بس إنتي شاوري وقولي أه
يا بسمة حايرة بين الشفايف
وعيون حزينة وقلب خايف
من صوت سكوتك أنا قلبي عارف
إن إنتي سهرانة معاه
كلمات / علاء حورس
ليست هناك تعليقات:
إرسال تعليق