نباح الكلاب فـ الشوارع
ليه الأُسود نايمه !!
يا مَركبي العَايمة
البَحر مُوجه عَاتي
بصرُخ انا وهاتي
إهدي كَده وطاطي
صَدقت يا بخاتي
قُطع الزَميِّر واللي شَاروا بيه
رُدي كده الدَفه
علي وشي مِيت لَفه
هَربان مِن الظُلم وبتخَفي
وفـ وسط ضَرْب النَار
والثوره والثوار
بَجري وبَٰتكَفى
وناس فـ قَلب الدَار
قَاعدة بتدفى
مَلفوفة بلحافها
يا بلد بتتغَفى
واقفه و ع الحافة
عَامله كما عَيله
تايهَ فـ الزافة ...
يا شمس النهار
قوليلهم ....
روحوا هاتوا
م اللي ماتوا
واحد يفديكوا بحَياتُه
ماتجيبوش م اللي أنتَحر
مَع إنه أفوكاتُه ...
وبرغَم إنه أنتحر
مَات بفعل سُكاته
انا قلبي بيكوا كَفر
ودا ذَنب لا يُغتَفر
لا هارضىَ يوم بالظُلم
لو شوفت قَبري أتحفر
يا مكَبلين الأيادي كُل أيد
فـ التانية...
و مقَبلين الأيادي للرُتب العالية
غالية الحياة عندكوا
لَٰٰٰكن عندنا فانية ...
وفـ لَحظة و فـ ثانية
وصباعك علي الزِناد
الطَلقة تاخُد حَانيه
أفضل انا عَايش
وإيديك فـ قَبرك بَانيه
يابو بُندقية و كاب
هو انت عَقلك غاب
الموت علينا حق
وأتعددت لَٰسباب
تقتل من غير حساب
وبحجة الارهاب
يابني القانون كَداب
إقلب بَاريهَٰك وأتسجن
وأقفل ورَاك الباب ....
يا قاضي يا مُحتَرم
العَدل مِنك شَاخ ...
تِسكر فـ شارع الهَرم
والعَقل مِنك دَاخ ...
تُحكم على اللي اتظلم
وبراَءة للأوساخ ...
بتقولوا سَمع وطَاعة
وإني أنتمي لجماعة
وتطلعوا فـ إشاعة
مِين أستباح الدَم
وعَملني شماعة ...
أنا أبن ناس لآنا مِنهم
ولا نَسلي انا مِنهم
لَٰكنهم في قلبهم
حُب و إِيمان بالله
دَخلت انا وسطهم
أوعاك تفكَر بطَبلتَك
يوم أهز انا راسي
دَا انا شوفت ياماأسي
البَلوة متفَصله ...
تَمام .. علي مقاسي
عَمال بتتكلم
وكَإنك أراجوز
الناس حِدادها اسود
وحدادك انت رووز
الكِدب منك فاح
تُشكر كده فـ سفاح
يُظلم و يسجن ناس
والقتل عنده كفاح
لابُد م الأصلاح
والفجر أهو لاح
سَاعة الأسود تزئر
لا يبطلوا النباح ....
13/1/2016
ليست هناك تعليقات:
إرسال تعليق