نفسى اصحى واقوم
فى يوم كدا من النوم
اسمع خبر بيقول
المعنى يعنى والمدلول
الناس خلاص كلها اتصالحت
وكل راس باست راس
واعتذرت لبعض واتسامحت
والناس الجعانه كلها شبعت
والأطفال اللى فى الخيام
فى الجناين اتمرجحت ولعبت
ونامت فى فرشتها دفتها
وكتبت الواجب وزاكرت
ولا مدافع ولا دخان ولا دم
ولا طيارات بتحدف بارود
ينزل على البيوت ويهدم هدم
وكل السلاح ساح
ولا عاد يحصد الأرواح
وهنعمل مكانه حاجات تزيل الغم
وكل الشباب اللى فى الجيوش
هتشتغل علشان تحوش
عن اهلها الزعل والهم
وكل واحد قال خلينى ف حالى
وقال خلاص بإخلاص للتانى
انته حر مع ربك يا عم
وليك ارضك وليه انا ارضى
وأرض ربنا واسعه
والكل بات مرضى
يارب انت بقدرتك قادر
تحقق كل اللى فى نفسى
قادر تقول للشيئ كن فيكون
خلينى اشوف قبل ما امشى
اللى اتمنيته انا ف همسى
ليست هناك تعليقات:
إرسال تعليق