******(لقيت قلبي)******
داويت بيكي جروح كتير كنت عايش
بيها في صحوي ومنامي
وشفت في عينيكي
طريق مفتوح وأنتي معايا فيه
وأنتي كنتي عايشه في احلامي
وشايف حلمي قدامي بيتحقق
وعالصفين شجر ليمون شجر ياسمين
بيتعطروا بعطرك
وعالوشوش ابتسامة ناس يهنونا
وعالبعد شجر تفاح لونه بلون خدك
وافراح منصوبة لينا
وغنوة حب بتتغني بأسمك
مأنا كنت كاتبها زمان علشانك
وعالشجر عصافير بتغرد
وحمام ابيض بيرفرف
وطير الوان بجناحه بيسقف
وفراشات بتحط علي خدك
تمتص الرحيق منك..
ومعاكي لقيت قلبي اللي
ضاع في يوم مني
ولقيتك محافظة عليه
وبتتمني يكون عالدوام ليكي..
ليست هناك تعليقات:
إرسال تعليق