لو كلام عندك
قوليه
قولي مستنيه
ايه
عمر ابوي
مكنش باشا
أو ف يوم
انا كنت بيه
احنا بنحبك
طبيعي
و اوعي مره
ف يوم تبيعي
ياللي ساكنه
ف ضلوعي
دا الطبيعي
ملوش شبيه
قولي مستنيه
ايه؟
كان ابوي الليل
يبات
العشا
يقضيه سكات
عمر حلمه
م كان حواوشي
او حلم يآكل
بنيه
عمر ابوي
ما نطقها
(هي مصر ادتنا ايه)
قولي مستنيه ايه؟
كانت الأفراح
تخاصمه
و يقابلها بابتسامة
كان نموذج
للكرامه
و النزاهه
و الشهامه
دا اللي حبك
و اللي صانك
و اللي كنتي
بتظلميه
هو دا المصري
النزيه
قولي مستنيه ايه؟
سيد عبد العليم
ليست هناك تعليقات:
إرسال تعليق