تعبني رص الحروف
علشان تكون اشعار
لا راضيه تكتب محبه
ولاعاوزه تكتب هنا
واما اترجيتها انا
تكتبلي فرح وغُنا
صابها الفزع والخوف
وشواها صهد النار
وقالتلي اعمل معروف
الدمع سال انهار
انظر معايا وشوف
البير ملهوش قرار
قاعدين في قعره نطوف
ايه آخرة المشوار
واملنا حبل شادوف
بايدين بطل مغوار
يلحق بقايا كتوف
اشلاء من الاحرار
يمحي ضلام الخوف
يوهبنا شمس نهار
وساعتها نلف نطوف
نتغني بالاشعار
*****************************************
محمود ناصر
ليست هناك تعليقات:
إرسال تعليق