الكلام
+++++
الكلام اصبح كتير
وفعلنا غرقان فى بير
والعمل اصبح اسير
كله بيعاند فى كله
كله عينه ع ال جنبه
والفقير همه مصاحبه
المشاكل بتصاحبنا
والمشاكس ليه غالبنا
صوته دايما اعلى منا
والكلام عمال يطير
مره ساده ومره مر
والمصيبه ساعات يغر
قول على الدنيا السلام
لما يملاها اللئام
كلمه اقوى من السهام
والكلام عمال يزيد
والعقول صبحت جريد
شكلونا اقفاص بايد
ياحمام ياحمام
احنا هنشد الحزام
علمونا ازاى ننام
طير ومكسور الجناح
لما طار تاه ف البراح
والكلام فى الفجر ساح
امتى هنبطل كلام
امتى نعرف ايه حرام
والحلال يصبح امام
بالكلام بتضيع نفوس
والنفوس تعبد فلوس
والصدا يملا التروس
ايه هيفرق فينا تانى
لما تنشل الامانى
لما يبقى الكل جانى
سيبكم يالا من الكلام
افشوا جوانا السلام
بالعمل نصبح تمام
ليست هناك تعليقات:
إرسال تعليق