إنت بالنسبه لى إيه؟؟؟؟؟؟
؟؟؟؟؟؟؟؟؟؟؟؟؟؟
نفسك تعرفى إنت بالنسبه لى إيه
خلاص هقولك السر إسمعيه
إنت بالنسبه لى نبض قلبى
نور لدربى
كل حبى
تاخدى قلبى تسأليه
راح يقولك
اويدلك
ع المكان اللى إنت فيه
شوفى بعيونى وصدقى
شوقى وجنونى وإعشقى
حسى باللى مداريه
والا أقولك إلمسينى
وإحسبى عمرى وسنينى
لو عرفتى تحسبيه
هتلاقى كل الثوانى
مخبيالك الأمانى
وأد إيه بيحن تانى
عمرى وياك تعيشيه
والدقايق والساعات
والى جاى واللى فات
وتنهيداتى والاهات
وهوايا لو تفهميه
كل ده ولسه ياما
لو هوصفك انا بإبتسامه
طب هقول إيه ولا أيه
ولا من نظرات عيونك
ويا غيرتك وجنونك
ولا لحظة من شجونك
ولا مليون ديوان هيكفى فيه
عرفتى بقى إنت بالنسبه لى إيه
كل لحن حب بسمعه وبتسمعيه
وإنت كل العالم كله
بسماه وقمره وشمسه وضله
وإنت العالم واللى فيه
؟؟؟؟
صلاح الصغير
ليست هناك تعليقات:
إرسال تعليق