عيونك ليَّه بحر غرام
وانا ماشى بمجدافى
ونار الحب ماهى حرام
ولو تحرق دا مش كافى
........
دا حبك رووووح و ردّتلى
وخلتنى أعيش تاااانى
وعشق الروح يرتِّلى
أنا بعدك أكون تاااااانى
........
دى ضمة قلبى سَاكناكى
تدفيكى فى عز البرد
وروحى تروح لسُكناكى
وتسكن جوه هذا القد
.......
يامحلا العشق غنوله
ونسهر فيه ليلُه بطوله
تعالى نعيش فى غنيوه
تحاكى العشق وأصوله
.......
ياساكنه جوه نن العين
ورمش العين لكى حارس
ياغنوه ساكنه جوف قلبين
أنا قلبى لقلبك دارس
.......
وقفت كتير على بابك
أشاغل قلب له أحوال
ولو عمرى على حسابك
فداك العمر وراحة البال
يازينه ! محلا أعتابك
لو اسيبك دايبقى محال
.......
حكايه ونفسى أحكيها
وتبقى انتى الأمل فيها
خطفتى القلب من جوه
ياساكنه الروح بمعانيها
.........
طلعت حلمى عامر
ليست هناك تعليقات:
إرسال تعليق