ياروح وعارفة
من الحب خايفة
هو انتي حاسة
ولا انتي شايفة
مابين قرارك
نور نهارك
يمكن تعاني
ويكون دمارك
هي دي حالة
بتقول قوالة
يمكن تكون
في يوم رسالة
الحب باعد
ساعات يساعد
الحب اغلي
اصدق وواعد
في يوم نهاره
بيكون قراره
ولو يضحي
هيكون مساره
حب في حياته
القلب ذاته
علي حبيبه
تسأل ساعاته
يقينه داري
من ود ساري
بكل نبضة
من قلب شاري
يهوي في عيونه
ويلاقي كونه
حياته هي
ازاي يصونه
الحب قصة
والوصف لسة
لو كانله فيه
ماالألف حصة
علشان نقوله
لايوم بطوله
ولا معاني
ترسم اصوله
ويبقي تاني
كل المعاني
في الشرح تبدأ
من حب جاني
بقلمي / ياسر الحسيني
ليست هناك تعليقات:
إرسال تعليق