وما تسأليش
............
لساكى فيا أقوى منى
و غصب عنى بعشقك!
إحساس جميل! !
رغم السنين و الكرمشه
الرمش لسه بيختشى!
و لو الزمان ساينى و مشى
لسه الحنين. .مالى العيون
اذا مره تتلاقى الوشوش
و لا تهربيش!!
...........
انا عشت عمر.. أعشق ف سري
و أخبى حرفينك ف عينى!!
و أقطف حروفك من كلامى
و أضيف لأيامك سنيني!
و الحلم مرسوم بالرصاص!!
بأجمله....
و ما بين عيونى أكمله
يمكن عيونك تلمحه
تستملحه! !
لكنى أضعف من عينيكى!
و لا قلت ايه جوايا ليكى
ايه باقى فيا يشتريكى؟
غير نفس أحلام الرصاص! !
.........
انا كتفى اهوه اتسندي
يمكن تحنى لموعدي
اللي ما قلتوش من سنين
ياللى ف عينيكى مولدي
و بعيشك الحلم الأمين! !
اقرينى ..مليت السكات
و سيبينى عايش ف اللى فات
لا انا ح أسألك. .و لا تسأليش!!
خليكى فيا أقوى منى!
و انا لسه حرفينك ح أعيش!
و ما تزعليش
لو شفتى أحلامى رصاص! !
..........
عاطف عبد الحميد
ليست هناك تعليقات:
إرسال تعليق