قصيدة مش بريئة
مش بريئة
مش ضحية
ياللى حبك كدبه غاليه
غمضت عينى مرة ثانية
عن الحقيقة المرة ديه
عشت وهم عشقك ليا
يا سواد ليالى جيه
البداية كانت جميلة
همسة نظرة شوق
فى لمسة
فى حكاية ولا الف ليلة
والليالي حلوة و بهية
والحنين أحلام وردية
بس فجأة الصورة بهتت
والحقيقة القاسية ظهرت
والفراق كان البداية
لنهاية أرق حكاية
والبعاد من غير سلام
لاء ده كان فيه اتهام
بالخيانة
ده اسمه كلام
قال وايه قلبك نادانى
واللى شوفته حاجة تانى
جرح جوه قلبي سبته
طفيت شموع حب اديته
والحكاية في كلمتين
حب فرحة
دمعة جارحة
على الخد سارحة
من عيون مهزومين
والنتيجة
ليالى مرة
لانثى حرة
رافضة الإهانة
رافضة اتهامها بالخيانة
و القرار
البعاد للعيش بكرامه
وهى ديه كل الحكاية
مش بريئة
مش ضحية
بقلم..صباح ضاحى
ليست هناك تعليقات:
إرسال تعليق