Karima Dandash
27 أبريل، 2015 ·
الجزء الثانى .
******************
ياسمين والحب القاتل:.
*******************
دخل أبو فاطمة البيت وتوجه الى حجرة أمه ووجد فاطمة تجلس معها .
فقال :لها لسه صاحية يافاطمة ؟.
قالت: فاطمة نعم كنت بشوف ستى عايزه حاجة وعملت لها الشاى .
قال :الوالد طيب روحى نامى علشان إنت بتصحى بدرى وبتذهبى للمدرسة.
قالت :فاطمة حاضر ؛ وذهب الوالد الى حجرته .
قالت :فاطمة لجدتها تعرفى ياستى أنا بروح المدرسة علشان أذاكر وأعمل واجبات الدروس لكن علشان المدرسة نفسها لاء.
قالت :الجدة لها ليه يافاطمة هم مش بيعلموكى فى المدرسة ؟
قالت :فاطمة التعليم ما بقا زى زمان المدرسين بيدخلوا الفصل لاهم عايزين يشرحوا ولا الطلبة عايزين يسمعوا المدرس او المدرسة اللى عايزه تشرح ،المدرسين بيجروا من المدرسة ويخرجوا فى وقت العمل علشان يعطوا دروس فى الخارج ، والطلبة عندها مواعيد الدروس أثناء اليوم الدراسى .
قالت الجدة والمدير ما بيعمل حاجة للمدرسين ؟
قالت فاطمة المدير ! دا المدير حسب مذاجه ممكن يضايق مدرسة او مدرس بيشتغل والمدرسين اللى بيخرجوا من المدرسة اثناء العمل بيتساهل معهم باين عليه بيأخذ حاجة منهم الله أعلم.
أنا هروح أنام عايزه حاجة قبل ما أنام .
قالت : الجدة لها روحى نامى أنت تعبانه طول النهار أبوكى جه خلاص وهيعمل اللى أنا عايزاه .
دخلت الام وقالت لفاطمة أبوكى جه من امتى ؟.
قالت فاطمة من شويه ال يعنى خايفه منه ! كل دا كنتى بتتفرجى على الخناقة ، مايكون كنتى عاملة قعدة صلح .
قالت : الأم اسكتى يافاطمة حصل ،فى ذلك الوقت خرج الأب من حجرته .
وقال الاب : وهو متجاهل زوجته لسه مانمتى يافاطمة؟.
قالت :فاطمة أنا راحه انام .
وذهب الأب الى حجرة والدته ليعطيها الدواء والزبادى بالعسل ويجهز فرشتها للنوم .
قالت :له أمه إيه اللى حصل فى الخارج ؟
قال :لها خناقة كلعادة بين محمود واحمد علشان ياسمين ،محمود عرف ان اخوه احمد بيساعد عمه فى بيع الأرض.
قالت :له أمه ومحمود ماله مايبيع هو قاصر !
قال :لها اللى عرفه انه هيبيع الارض ويأخذ ابنته ويهاجر من البلد.
قالت : له الام هيروح على فين !
قال : أحمد بيدور لهم على شقة فى القاهرة ومحل لوالد ياسمين يعمله كدا سوبر ماركت يعنى محل بقالة.
قالت :وإيه اللى مزعل محمود فى كدا ؟.
قال :لها ما انت عارفه هو عاوز إيه ،مش عايز عمه ينتقل من البلد وعايز يتجوز ياسمين.
قالت :الأم بجح زى أبوه ماهو عارف ان إخوه أحمد هيتزوجها .
قال :تقولى إيه مافى فايدة تمر السنين ويمر الزمان والعيلة دى ما بتتغير .
قالت: الأم ياعينى يا بنتى على اللى هيجرا ليكى.
قالت :الأم إعملى حاجة سخنة أنا بردانة .
قال :لها كفايه شرب أنا هنام جنبك وأدفيكى ،ولا إنت مش عايزانى أنام جنبك.
قالت :الأم له لا يا أبنى بس مش عايزه مشاكل .
قال :لها لامشاكل ولا حاجة .
استسلمت الام للنوم وقام الأبن وذهب الى حجرته وكعادته يتجاهل زوجتة ونام على الكنبة فهو على خصام مع زوجته لسوء تصرفها.
****************************
بقلم كريمة دندش
27-4-2015
ليست هناك تعليقات:
إرسال تعليق