بقلمى/اسلام المنسي
الوفاء بقا طعمه مر
والخيانه يا ناس امر
واللى محتاج الحياه
ديما شهدها بيغر
......................
فى الحكايه كلام كتير
فى بدايتها كان يقدم
طقم شاي سكر زياده
وواحد قهوة عالريحه
اصل الخيانه يا ناس دى عاده
والحياه دى مش مريحه
لما اكون عايش غلبان
وكل حياتي سر وكتمان
وبنتى دى ملكه جمال
عايشين حياة شكر واحسان
وجت وظيفه فى نفس الشركه
مطلوب سكرتيرة لمدير
قولت لبنتي الحاله صعبه
تعالى يمكن يطلع خير
وتشتغلى وتصونى اخواتك
وتخففى الحمل الكتير
والدنيا بعد ما عطبت
ترجع وتضحك زى غيرنا
البت راحت قدمت
اوراق وراحت الاختبار
والنجاح كان الحليف
وجمالها فوق الاقتدار
بس الجدع معملش حتى
حساب لبنته ف وقت غيب
والتربيه كانت صحيحه
كانت ادب كانت نصيحه
من اب لبنته الجميله
مكانش عامل فى الحساب
ان المدير واحد شباب
وياما كان دارى مصايبه
والبنات كانت تحايله
وفيوم وليله عقله شاوره
والبنت فعلا صدته
واول مرة يترفض
فكر خلاص فى صدمته
قال اللى ربا يا ناس مماتش
هو ده الاب العظيم
اللى فى عز المحن
يبقي له رد الجميل
قوام راح اتقدملها
ما ابوها ياما خدمه كتير!
الاب قال خلاص يفكر
ورأى البت يهمه اكتر
اخوها كان يضغط عليها
لاجل ترضي بالعريس
مكانش يعرف زى ابوها
ان الطريق مليان متاريس
وهتعيش حياتها فى العذاب
وتتملى دنيتها ضباب
رفض الجدع اغني عريس
وكان بينها وبينه مفيش
مكانش يعرف انها
اخر نهاية اكل العيش
اترفد من الوظيفه
والبت واقعه كمان فى حيره
والولد اخد القرار
هيشتغل ويشوف حياته
والوظيفه جت فى شركه
صاحبها راجل من الكبار
والوظيفه مكانها فاضي
شغل ابوه رجع من تانى
شاي يا بيه
سكر زياده
ولا قهوة كمان عالريحه
الحياه رجعت مريحه
وانقذ نفسه من الفضيحه
والبنت جالها اجمل عريس
والحياه رجعت سعاده
وانتهى حد الاباده
لما يحمي منها نفسه
لازم الدنيا تجاريه
ليست هناك تعليقات:
إرسال تعليق