ذكرى
«»«»«»
ذكرى عدت جنب منى
ذكرى كانت حته منى
وانهارده بكره ذكرى
حتى بكره بعده ذكرى
حد فيكم عنده فكره
لما كان بيحلم ببكره
ان بكره نهاره ماضى
وان ليله كله فاضى
والحياه ساعه وفكره
سلبى فيها هتبقى نكره
لو ايجابى هتبقى قدوه
الحياه عدت قصادى
والسنين مرت بسرعه
والكلام بقى كله عادى
والامانى تعيش وترعى
واحنا صرعى وكله فانى
وابن ادم عاش انانى
عاش لنفسه ولكيانه
والحياه سكنت مكانه
واستهانوا .. وكله ذكرى
كل واحد عنده حاجه
تنتهى يشتاق لغيرها
كل واحد عاش ونفسه
الدنيا تبقى له بخيرها
بينسى دايما انه ذكرى
وان مهما يكون له بكره
ان بكره بردوا ذكرى
ليست هناك تعليقات:
إرسال تعليق