جاهلية\ بقلمي علي محمد علي عيد
الدنيا لابسة توب اسود حافية وزرقا وبيزفوها
مليانة بنقع الدم بالنار والضلمة والقتل رسموها
بقعة زنا وبقعة خمر والواقف بالغل قالوا دا ابوها
في الظهر خنجر سم ولويموت الكل هما يعيشوها
وبكده الدنيا سواد - وهما كده بيحيوها
في السكة كومة تراب تبكي برجلين الجهل سووها
اصل الوليدة كانت بنت قالوا عار في الحفرة وأدوها
قال كده يصونوا الشرف بالجهل طب ليه امه سابوها
ومراته من كتر الغم هامت ع البنت وهيه حية دفنوها
وبكده الدنيا سواد وهما كده بيحيوها
نرجع لراية حمرا بيت الزنا المعلوم كده سموها
و في يوم يبيحوا الزنا والخمرة من غير عقل شربوها
أكلوا ف لحم الغير وف دن عبوا الدم و سقوها
وبكرةغدر و خطف و سبي لوعيشة هادية حرقوها
وخلوا الدنيا كده سواد واهو بيحيوها
و التار دفين يا عين جوه القلب بالغل و الكذب حموها
هي الرذيلة كدة يوم ليك ويوم عليك مين فينا خلطوها
والبنت تزني ما هي عارفه غريب ولا يمكن يكون اخوها
وكان وقتها بالسبي والغصب و دلوقت بمزاجها عروها
والدنيا رجعت كده سواد و اهم دلوقت بيحيوها
واللي تعف اليوم بلسان سخي بالنار بيكووها
والعري لازم يكون ف البنت قالوا حضارة يبنوها
صابغة بلون جسمها وكل السوءة وروها
دعوة لكل الفجر و الديب لما ييجي يسيبوها
عجباكوا وهي كده سواد و انتم بتحيوها؟
ويقولوا ليه الولد قطعوا الطريق ولوحدها وخطفوها
تسأل بتعبد مين يقولك شجرة في الطين هما بيسقوها
او نحت حتة حجر كانوا مضع ما بيدوسوا كسروها
او نجمة فوق في السما تخفى و في يوم يشوفوها
و الدنيا كانت كده سواد وزي العمي يحيوها
او واحدة فاجرة زنت هي وفاجرها و بعدالمسخ عبدوها
زي حديت اليوم العارية عندهم نجمة وكلهم حبوها
و الواد ممرقع نجم,,,, اذا غلط جري وعلى طول يسووها
يرجع يلعلع و الخرس بالعدل لو شلة غيره لكانوا سجنوها
خليتوا الدنيا كده بالجهل هما اللي يحيوها
علي محمد علي عيد
ليست هناك تعليقات:
إرسال تعليق