حنين/ابراهيم خليفة رمضان
الصوره لما اتلونت بانت ضباب
فى عيون ولاد البلد
ياحسره على اتولد
بعد الضباب ما عم
وصبح هواه ينشم
فدم اخوك متعرفوش
ان كان دوى ولا سم
وانا وانت يا حبيبتى
فى سفينه تايه منها الشطوط
بتاخدنا موجه ويا موجه
تحدف فينا السنين
يزيد فينا الحنين
الغربه يا بهيه
جدران من غير مبانى
والضلمه جوه منا
حدود من غير حدود
والموت مكتوب علينا
ليست هناك تعليقات:
إرسال تعليق